Solla

vér neitum öll

Mon, 13 Oct 2008 11:26:09 GMT

í þessu bloggi ætla ég ekki að eyða mínum tíma og minni orku í að skrifa um kreppuna!
hins vegar ætla ég að segja ykkur örlítið hvað á mína daga hefur drifið:

Ég er þáttakandi í gjörningi á Listasafni Reykjarvíkur. Verkið heitir Draugur og er eftir Huginn Þór Arason. Við erum þar nokkur úr mínum bekk og erum að sauma á gesti safnsins flíkur eftir íslenska listamenn.

þetta er virkilega skemmtilegt verkefni og heiður að vera beðin :) þessi gjörningur stendur frammí miðjan jan, svo þið hafið nægan tíma til að koma og kíkja ;)

Krown* er alltaf á fullu og nýr kjóll komin aftur:

Um helgina fórum við mamma á minningar tónleika Villa Vill. Þeir voru hreint út sagt frábærir,,,,hef ekkert útá þá að setja. Jú nema hefði alveg mátt sleppa Lay Low (er engin söngkona að mínu mati).

Svo næstu helgi er stefnan tekið norður í land á frumsýningu hjá pabba á króknum. Helgina eftir það förum við mamma svo á Bítlashowið hjá Söndru á Höfn, svo það er nóg að gera.

Jæja nóg í bili
heyrumst

Skímó ball á Nasa

Sun, 14 Sep 2008 16:53:55 GMT

Við stelpurnar skelltum okkur á Nasa á laugard.kvöldið.

En þar voru vinir okkar í Skímó að skemmta. Það vakti mikla mikla lukku (hjá mér) að Jógvan var gestasöngvari hjá þeim!
Hann meira að segja kom með fiðluna sína og spilaði fyrir okkur ;) Fyrir ballið var smá hittingur og er ég búin að skella inn myndum sem þið getið séð HÉR.

Einnig er kominn nýr kjóll frá krown*

Jæja kveð að sinni,,,nú fer Hafþór að koma heim í kvöld. Er útí Skotlandi með vinnufélgögunum í skemmtiferð :) Búið að vera svaka fjör og gist í gömlum kastala o.fl. Hlakka til að sjá hann aftur í kvöld :)

bloggídíblogg

Thu, 04 Sep 2008 18:41:58 GMT

nýtt blogg!! hvað segiði um það?

Skólinn byrjaður nú á fullu, alltaf jafn ótrúlega skemmtilegt...og krefjandi.

Við skelltum okkur austur á Hornafjörð síðustu helgi. Sandra sys átti afmæli, 25 ára kellan 8) síðan var svaðalegt garðpartý á föstdeginum hjá Rögnu og Heiðari. Við fengum bongóblíðu og ótrúlega skemmtileg ferð, þó stutt hafi verið. Síðan var sunnudagurinn tekinn snemma og nýja íbúðin hennar Söndru máluð. Svo við vorum nú alls ekki gagnslaus hehe.

fengum svo fallegt veður á heimleiðinni að ég smellti nokkrum af:

Það mætti nú halda að eh frjósemis veiki sé umhverfis mig. 2 vinkonur mínar ófrískar, Inga Helga :d og Arna Páls. Einnig er ein bekkjarsystir mín ólétt....og eins og allir vita þá er Sissa frænka nýbúin að eiga ;) já gaman að þessu.

Hjá Krown* eru komnar nýjar flíkur. Gulur kokteilkjóll og svört jakakpeysa.

Á morgun er ferðinni svo heitið norður á Sauðárkrók. Hafþór er að farað keppa í síðustu Enduro umferðinni í sumar. Ég er hins vegar að fara í ferð með pabbsen og Sigurjóni afa í Breiðafjörðinn :) Hafþór elskan verður bara að plumma sig vel einn 8)

Jæja nóg í bili.
Hilsen

Áfram Ísland !

Fri, 22 Aug 2008 15:20:21 GMT

Maður getur ekki annað en verið að drepast úr þjóðarstolti í dag! Minn gamli vin er að fara á kostum úti í Peking og strákarnir okkar komnir í úrslit!!! Hverjum hefði nokkurn tíman dottið það í hug ?

En það er s.s. hann Björgvin Páll markvörður okkar, gamall vinur minn úr kópavoginum.
Það eru allir að hlæja að því núna, því þegar ég var lítil þá var ég sko harðákv. í því að ég ætlaði að giftast honum Bjögga mínum hehehe.

já sko mikið vatn runnið til sjávar síðan þá,,,en hugsið ykkur ef ég væri bara í Peking núna! hehe neinei segi svona ;)

gæti ekki verið stoltari af strákunum okkar og auðvitað verður sunnudagurinn tekinn snemma og strákarnir hvattir til dáða :)

°

Af öðrum fréttum þá er skólinn byrjaður hjá mér, en ég verð áfram að vinna líka í Brúðarkjólaleigu Dóru. Gengur vel hjá Krown* ... búin með gulan kokteil kjól og aðra svarta peysu. Kominn smá biðlisti eftir peysum og jökkum hjá mér í vetur svo það er nóg að gera :)
-kvarta a.m.k. ekki hehe

Sissa frænka kominn með litla drenginn sinn í heiminn, Sigfús Viðar. Heilsast öllum vel þar á bæ og bíðum við í ofvæni eftir að þau kíki á klakann aftur :)

Hilsen
Solla

Langt síðan síðast!

Sun, 27 Jul 2008 23:10:17 GMT

Já langt síðan ég skrifaði síðast.

Pabbi, Petra, Adam og Anna voru á landinu um daginn og smellti ég af nokkrum myndum. Einnig fórum við á ættarmót og koma myndirnar frá því seinna... En HÉR eru nokkrar myndir af Adam og Önnu :)

Ég var líka að klára kjól og peysu:

Á leiðinni er annar kjóll, svartur og gulur og önnur peysa :)

Í gær fórum við vinkonurnar í Laugar Spa. Inga Helg vinkona átti afmæli í vikunni og var þetta afmælisgjöfin okkar til hennar. Einnig borðuðum við á veitingastaðnum niðri í spainu.....lélegri þjónustu hef ég sjaldan fengið!!! En spaið sjálft var æðislegt!!! Eftir það fórum við heim og tjúttuðum frammá nótt!
Myndir frá gærdeginum HÉR.

Fleirri fréttir seinna.
Tjá

krown* & angels

Wed, 25 Jun 2008 00:12:04 GMT

Nýr kjóll kominn :)

Er fáanlegur í Brúðarkjólaleigu Dóru, Suðurlandsbraut 50.

Nú styttist svo óðum í að pa & petra og englarnir okkar komi til landsins!! aðeins 3 dagar!!! JEIJJ hlakka svo til að sjá þau :)

Kveðja
Solla

Fréttir

Tue, 17 Jun 2008 23:06:45 GMT

KOMNAR MYNDIR HÉR FRÁ TÓNLEIKUNUM!

Margt hefur nú á daga mína drifið síðan síðast!

Væntanlegur er nýr kjóll frá Krown* sem verður til sölu í Brúðarkjólaleigu Dóru.

Einnig fórum við Ósk vinkona á algjörlega ÓGLEYMANLEGA tónleika með James Blunt í nýju Laugardagshöllinni

Set seinna inn link á myndasíðuna hennar Óskar, hún tók helling af skemmtilegum myndum. Það voru eingöngu sæti og vorum við á fremsta bekk til hliðar...sáum ekkert! Eftir rúma klst af öskrum og látum hjá okkur til að reynað lokka gæjann náttúrlega í áttina til okkar :) þá sleppti múgurinn sér lausum og stukku allir upp að sviðinu (en þar hafði verið svaðaleg öryggisgæsla og mátti enginn koma nálægt).
Svo þar vorum við komnar,,,í beinni snertingu við goðið! stóðum beint fyrir framan sviðið, sæti A+ hehe fyrir aðeins 5.900 kr.
Sko ALLS ekki leiðinlegt það. Hvet ég alla til að lesa dóma sem tónleikarnir fengu, því þeir voru mjög góðir hehe.

Síðan fórum við Hafþór norður á Akureyri á Enduro keppni sem Hafþór tók þátt í.
Stóð hann sig þar eins og hetja og var rosa fjör.
HÉR getiði séð myndir þaðan

Svo skelltum við okkur í dag, 17.júní niður í miðbæ í veðurblíðunni.
Þar var einnig smellt af nokkrum myndum sem þið getið séð HÉR.
Fyndið, eitthvað voru veðurguðirnir ósáttir við þessa hátíð okkar, því vindurinn sleit fánann frá flaggstönginni niður í bæ..hehe. Lögreglan og slökkviliðið var ræst uppá þak og björgunartilraun skilaði árangri,,,,fánanum var náð niður og blakti fallega það sem eftir var þessa þjóðhátíðardag okkar.

Einnig eru myndir af nýjum kjól, leggings og klút

Mega töff súperman-demanta leggings
Koma betri myndir af kjólnum seinna :)

Kveð að sinni
Solla

Dúxinn Sandra :)

Tue, 27 May 2008 21:34:45 GMT

Síðustu helgi skelltum við okkur norður í Skagafjörðinn í útskrift Söndru systur frá Háskólanum á Hólum.
Haldiði að mín hafi ekki bara dúxað?!? ótrúlega stolt af stóru systur sinni :)

Eftir útskriftina var haldið í júróvision partý til Pálínar, vinkonu Söndru. Jii hvað það var gaman þar. Dansað eins og á Gauknum gamla í denn....svaðalegt stuð.

HÉR getið þið séð allar myndir frá ferðinni.

Myndir af leggings, kjól og nýjum Krown* klút koma í vikunni. En einnig í myndunum úr partýi Pálínu, ég var í því þar :)

Kveðja
Solla

Algjört Krown* sumar, stelpur!!!

Wed, 14 May 2008 20:04:19 GMT

Jeijj mín byrjar í nýju vinnunni á morgun! Svo fer allt á fullt hjá Krown*

Þessi kjóll kemur fyrir helgi

Svo byrja ég á þessum "demanta" leggings og stórri peysu.
Væntanlegt fyrir sumarið er:

bolakjóll
kokteilkjóll
leggings
víð peysa
þunn kápa með kínaermum
stutt poncho
o.fl. klútar

hlakka svo til, er alveg komin með kláða í fingurgómana hehe.

Vildi bara láta ykkur vita, svo verið á skotskónnum og tilbúin með veskin
mohahaha

Tjá
S

Dökkhærð

Fri, 09 May 2008 12:48:02 GMT

Já mín var komin með smá leið á ljósa hárinu, og litaði það aftur dökkt. Þetta er ekki alveg eins og minn eigin hárlitur, en þennan get ég látið bara vaxa úr og fengið minn svarta aftur!

Svo í gær gengum við Sandra í göngunni "Göngum gegn slysum".
Veðrið var náttúrulega bara brandari...vorum að stikkna á leiðinni úr hita.

Síðan var horft á úrslitaþáttinn í Hæðinni.....og mín sátt við sína menn. Hélt alltaf með Begga og Pacasi. Jeijjj

Jams...nóg í bili.

Kv.
Solla

Pokakjóll

Wed, 30 Apr 2008 14:41:25 GMT

úff nú er ég að reyna að vinna í ritgerð sem ég á að skila á föstud.
Ritgerðin er í búningasögu. Þar erum við búin að fara yfir sögu "tískunnar", alveg frá Assýringum til Ný-klassíkar,,,sem sagt frá tímatali fyrir Krist og allt að 19.öld.

Ég ætla að fjalla um Pokakjólinn, en hann er frá Rókokó tímabilinu í Frakklandi 1720-1780
Ofboðslega fallegur og kvenlegur kjóll

Ritgerðin á að vera 3 bls í texta, og ég er aðeins komin með 1 1/2 af heimildum....erfiðara en ég hélt!

Svo á ég einnig að skila myndamöppu með ritgerðinni. Við höfum nefnilega teiknað mynd úr hverju tímabili. Þessi mynd er frá sama tímabili og pokakjóllinn, nema herrafatnaður. Ótrúlega fallegi "persneski jakkinn".

Annars er ég búin með 3 próf af 5. Búin að skila öllu verklegu af mér!! JESSS sem var eftirfarandi:

herra jakkafatajakki á Hafþór
rauður 60's kjóll á mig
svart röndótt korsilett á mig
svartur pífukjóll á mig (aukaverkefni)
hvítt blúndu korsilett (stærð 12 - prófverkefni)

jæja komið nóg í bili....
kveðja
Solla

kjólar og korsilett

Thu, 17 Apr 2008 09:45:31 GMT

°°°°°°°°°°°°°

þetta eru þau verkefni sem ég er búin með í skólanum. Var að klára þau í vikunni og búin að skila þeim. S.s. rauður 60's kjóll (sem var skilda að allir gerðu nánast eins, og við fengum efnið skaffað),,, og svarta röndótta korsilettið, sem ég fékk alveg að ráða sjálf og valdi efnið sjálf.
Korsilettið er svo röndótt alveg að aftan og er fest í bakið með 16 hnöppum og lissum (svona eins og á brúðarkjólum), sem ég lærði að gera alveg frá grunni.

Er annars búin að verað hitta pabbaling síðustu daga, meðan hann er á landinu. Æðislegt að fá kallinn heim í smá tíma. Svo koma þau öll í sumar til landsins, get ekki beðið :)

Kveð að sinni
Solla

Skólinn

Sun, 06 Apr 2008 19:02:30 GMT

Mest litlar fréttir,nema jú ég styð heilshugar mótmæli vöru- og leigubílsstjóra!! þótt ég hafi verið stopp heima og hvorki komist lönd né strönd því ártúnsbrekkan var lokuð :)

Nú er ég loksins að klára jakkafötin á Hafþór, er að gera jakkann við buxurnar og vestið sem ég er búin að gera á hann.

Hér koma nokkrar myndir:

Nú fer allt bara á yfirsnúning í skólanum því aðeins 3 vikur eftir, fyrsta prófið er svo 28.apríl!

Set seinna inn fleirri myndir af 2 korsilettum og 2 kjólum sem ég er að gera í skólanum :)

Kv. í bili

Gleðilega páska

Mon, 24 Mar 2008 11:01:09 GMT

Gleðilega páska öll sömul, vonandi höfðuð þið það náðugt í gær og átuð ekki of mikið af páska eggjum :)

Við hjónakornin skelltum okkur í sund í hádeginu í gær niður í Laugar. Þar var nú ótrúlega margt fólk fannst mér :) Virkilega notalegt að eyða frídeginum í heita pottinum hehe.

Seinnipartinn fórum við í mat í Álfatúnið, þar sem var fullt af fólki og virkilega skemmtilegt og góður matur.

Ég skellti í eitt pils fyrir páska og hér koma nokkrar myndir af því. Það er úr flaueli og með háu stroffi, sem hægt er að krupma svo niður.

Teikningar

Tue, 11 Mar 2008 13:28:16 GMT

Jú ég er orðin mun betri núna.
Var veik í VIKU! úff alveg nóg, núna er ég s.s. vonandi búin að taka út veikindin þessa önnina hehe :)

Ákvað setja hér inn nokkrar myndir fyrir ykkur að sjá úr "línunni" minni.
Er verkefni í skólanum og við áttum að hanna okkar eigin fatalínu. Gerðum fullt af teikningum og erum að læra að nota rándýra liti, sem eru sérstaklega fyrir svona teikningar á spes pappír. Þetta er s.s. alveg eins og er notað í hönnunarháskólunum úti (svo ég kann grunninn þegar ég fer út).

Ég setti inn um daginn þemaspjaldið mitt. Þemað heitir BRÚÐARNÁR. Eða mín þýðing af Corpses bride :) nár er fallegt gamalt orð yfir lík, svo mér fannst þetta mjög flott.
Skilaði portfólíinu í dag en tók fyrst nokkrar myndir fyrir ykkur að sjá :)

Svo er bara páskafrí eftir 4 daga! en verður alveg nóg að læra í öllu fríinu, svo ég veit ekki alveg hversu mikið "frí" þetta verður, allaveganna ekki frá lærdómnum....en það er bara gaman,,,,allaveganna finnst mér það :)